दिल्लीः वेबटीम पूर्व लडाखमध्ये भारत-चीनमध्ये सुरू असलेल्या तणावाच्या पार्श्वभूमीवर लष्कर प्रमुख जनरल मनोज मुकुंद नरवणे यांनी लष्कराच्या ...
दिल्लीः वेबटीम
पूर्व लडाखमध्ये भारत-चीनमध्ये सुरू असलेल्या तणावाच्या पार्श्वभूमीवर लष्कर प्रमुख जनरल मनोज मुकुंद नरवणे यांनी लष्कराच्या कमांडरांना कोणत्याही स्थितीचा सामना करण्यासाठी तयार राहण्याचे आदेश दिले आहेत. कुठल्याही क्षणी कारवाईसाठी सज्ज राहण्याच्या सूचना त्यांनी दिल्या आहेत. लष्करासोबतच हवाई दलानेही लडाख, उत्तर सिक्कीम, उत्तराखंड आणि अरुणाचल प्रदेश क्षेत्रातील संपूर्ण एलएसीवर ऑपरेशनल स्तरावर तयार राहण्याच्या सूचना दिल्या आहेत. म्हणजेच, कोणत्याही परिस्थितीत त्वरित कारवाईसाठी पूर्णपणे तयार रहावं
लष्करप्रमुख जनरल नरवणे यांनी नुकतीच तेजपूर येथील चौथ्या कोअर मुख्यालयालाचा दौरा केला. यावेळी त्यांनी कमांडर्सना ही सूचना दिली. लष्कराच्या चौथ्या कोअरवर अरुणाचल प्रदेश क्षेत्रातील चीनच्या सीमेवर देखरेखीची जबाबदारी आहे.
'सैन्यप्रमुखांनी आपल्या सर्व कमांडरांना कोणत्याही परिस्थितीसाठी तयार राहण्यास आणि आघाडीवर उच्च पातळीवरील ऑपरेशनल तयारी ठेवण्यास सांगितले आहे, असं लष्कराच्या सूत्रांनी सांगितल्याचं एनआयएन म्हटलंय. लष्कर प्रमुख दोन दिवसांच्या पूर्वे कमांडच्या दौर्यावर होते. त्यांनी एलएसी आणि सीमेपलिकडील हालचाली कामांवर भारतीय आणि चिनी सैन्याच्या तैनातीची माहिती घेतली.
पूर्व लडाखमधील तणावाच्या परिस्थितीत चिनी सैन्य एलएसीवर युद्धाची तयारी करताना दिसत आहे. या पार्श्वभूमीवर लष्करप्रमुखांचे हे आदेश आले आहेत. चिनी सैन्याने ४ ते ५ संयुक्त सशस्त्र ब्रिगेड तैनात करणे सुरूच ठेवले आहे. लढाईसाठी चीन इंटिग्रेटेड बॅटल ग्रुप तयार करण्याचा प्रयत्न करत आहे. पूर्व लडाखमध्ये चीनच्या हालचालींच्या पार्श्वभूमीवर भारतीय लष्कराने एलएसीवर सुमारे ४० हजार जवान तैनात केले आहेत., उत्तराखंड, हिमाचल प्रदेश, सिक्किम आणि अरुणाचल प्रदेशला लागून असलेल्या एलएसीजवळ मोठ्या संख्येने सैनिक तैनात केले आहेत. पूर्व लडाखमध्ये दोन्ही देशांमधील सुरू असलेला तणाव दीर्घकाळ सुरू राहण्याची शक्यता आहे. हा ताणाव कमी करण्यासाठी दोन्ही देशात नुकत्याच झालेल्या लष्करी स्तरावरील चर्चेत चीनने फिंगर एरियातून पूर्णपणे हटण्यास नकार दिला आहे.
कोणत्याही टिप्पण्या नाहीत