सात्रळ(वेबटीम):- सात्रळ येथील लोकनेते डॉ. बाळासाहेब विखे पाटील ( पद्मभूषण उपाधिने सन्मानित) प्रवरा ग्रामीण शिक्षण संस्थेच्या कला, वाणिज्य...
सात्रळ(वेबटीम):-
सात्रळ येथील लोकनेते डॉ. बाळासाहेब विखे पाटील ( पद्मभूषण उपाधिने सन्मानित) प्रवरा ग्रामीण शिक्षण संस्थेच्या कला, वाणिज्य व विज्ञान महाविद्यालयाचे उपप्राचार्य प्रा. दीपक नरहरी घोलप यांना अध्ययन,अध्यापन,संशोधन तसेच प्रशासकीय क्षेत्रात केलेल्या उल्लेखनीय कामगिरीबद्दल टाकळीभान (ता.श्रीरामपूर) येथील ज्ञानोदय बहुउद्देशीय संस्थेच्या वतीने राज्यस्तरीय आदर्श उपप्राचार्य पुरस्कार देऊन नुकतेच सन्मानित करण्यात आले. 
कार्यक्रमाच्या अध्यक्षस्थानी नांदेड येथील स्वामी रामानंद तीर्थ मराठवाडा विद्यापीठाचे मा. कुलगुरू डॉ. पंडित विद्यासागर हे होती. यावेळी थोर साहित्यिक विचारवंत आ. लहू कानडे, पंचायत समिती सदस्य डॉ. वंदना मुरकुटे, राष्ट्रसंत ज्ञानेशानंद शास्त्री महाराज, सावित्रीबाई फुले पुणे विद्यापीठ मराठी अभ्यास मंडळाचे अध्यक्ष प्रा.डाॅ. शिरीष लांडगे, ज्येष्ठ साहित्यिक डाॅ. बाबुराव उपाध्ये, गटशिक्षणाधिकारी साईलता कृष्णा सामलेटी, दत्तात्रय बहिरट,प्रा. बाबासाहेब पवार,प्रा.कालस साठे, कवी पोपटराव पटारे, सात्रळ महाविद्यालयाचे प्राचार्य प्रो.डाॅ. सोमनाथ घोलप, वनस्पतीशास्त्र विभागप्रमुख डॉ.रामदास बोरसे आदी उपस्थित होते. त्यांच्या या उल्लेखनीय यशाबद्दल सात्रळ महाविद्यालयानेही त्यांचा यथोचित सन्मान केला आहे.
उपप्राचार्य प्रा. दीपक घोलप हे सात्रळ महाविद्यालयाच्या उपप्राचार्य पदाची धुरा सांभाळत आहेत. ग्रामीण भागातील विद्यार्थी केंद्रस्थानी ठेवून त्यांनी महाविद्यालयात विविध नाविन्यपूर्ण योजना राबवून अनेक गरीब व गरजू विद्यार्थ्यांच्या जीवनात आशेचा किरण निर्माण करण्याचा प्रयत्न केला आहे. त्यांचे विविध राष्ट्रीय आंतरराष्ट्रीय स्तरावरील नियतकालिकांमधून शोधनिबंध प्रकाशित झाले आहेत. याअगोदर त्यांना आंतरराष्ट्रीय परिषदमध्ये उत्कृष्ट पेपर सादर केल्याबद्दल बेस्ट रिसर्च पेपर अवार्ड प्राप्त झालेला आहे. तसेच यूजीसी नवी दिल्ली यांच्या वतीने घेण्यात आलेल्या हरियाणा येथील भगत फुलसिंग महिला विश्वविद्यालय यांनी घेतलेल्या शिक्षक उदबोधन वर्गामधील उत्कृष्ट सहभागाबद्दल बेस्ट स्टुडंट पारितोषिकही प्राप्त झाले आहे.
कोणत्याही टिप्पण्या नाहीत