21 जूनला खरचं जगबुडी होणार का ? वाचा सविस्तर

दिल्ली : वेबटीम जगबुडी होणार, जगाचा अंत होणार याच्याशी संबंधित अनेक चर्चा होत असतात. दक्षिण अमेरिकन देशांमध्ये वापरण्यात येणाऱ्या माया स...

दिल्ली : वेबटीम

जगबुडी होणार, जगाचा अंत होणार याच्याशी संबंधित अनेक चर्चा होत असतात. दक्षिण अमेरिकन देशांमध्ये वापरण्यात येणाऱ्या माया संस्कृतीच्या कॅलेंडरला घेऊन मागील अनेक वर्षापासून जगभरात सुरू असलेल्या दाव्यांमध्ये आणखी एका दाव्याची भर पडली आहे. करोनाच्या संसर्गामुळे जगभरात भीतीचे वातावरण असताना आता २१ जून रोजी जगाचा अंत होणार असल्याच्या चर्चा सुरू झाल्या आहेत. माया संस्कृतीच्या कालगणनेनुसार जगाचा अंत जवळ आला असल्याचा दावा करण्यात येत आहे. याआधी याच कालगणनेत करण्यात आलेले दावे चुकीच्या गृहीतकावर आधारलेले होते. त्यामुळेच भविष्यवाणी चुकीली असल्याचा दावा करण्यात आला आहे. जगाचा अंत होणार असल्याची चर्चा सुरू झाल्यानंतर सोशल मीडियावर अफवांना ऊत आला आहे.                     

जगाचा अंत दाव्याला आधार काय?
जगाच्या अंताचा दावा ग्रेगोरिअन कालगणनेच्या आधारे करण्यात येत आहे. ही कालगणना १५८२ मध्ये लागू करण्यात आली होती. त्यावेळेपासून वर्षातून ११ दिवस कमी झाले होते. ११ दिवस कमी वाटत असले तरी २८६ वर्षात हे सातत्याने वाढत गेले आहेत. जगभरात चालणाऱ्या अशा घडामोडींवर लक्ष ठेवणाऱ्यांचा दावा असा दावा आहे की, आपल्याला वर्ष २०१२ मध्ये असालया हवे होते. या दाव्याला शास्त्रज्ञ पाओलो तगलोगुइन यांच्या ट्विटमुळे अधिक बळ मिळाले आहेत.

आपण आता २०१२मध्ये आहोत का?
वैज्ञानिक पाओलो तगलोगुइन यांनी आपल्या ट्विटमध्ये म्हटले की, ज्युलियन कालगणना पाहिल्यास आपण सध्या वर्ष २०१२ मध्ये आहोत. ग्रेगोरिअन कालगणनेमध्ये गेल्यामुळे आपल्याला एका वर्षात ११ दिवसांचे नुकसान झाले. ग्रेगोरिअन कालगणना लागू करण्याला २६८ वर्ष (१७५२-२०२०) झाले आहेत. अशा प्रकार ११ ने गुणाकार करून दिवस मोजल्यास २९४८ दिवस होतात. २९४८ दिवस हे ८ वर्षांएवढे होतात. अर्थात अनेकांनी पाओलो यांच्यावर टीका व प्रतिदावे करण्यास सुरुवात केल्यानंतर त्यांनी आपले ट्विट डिलीट केले.
२१ जून रोजी जगाचा अंत!
वैज्ञानिक पाओलो यांच्या ट्विटनंतर अनेकांनी २१ जून २०२० हाच दिवस २१ डिसेंबर २०१२ असल्याचा दावा केला आहे. वर्ष २०१२ मध्येदेखील अशाच प्रकारे दावे करण्यात आले होते. या दाव्याची सुरुवात एका वेगळ्या दाव्याने झाली होती. सुमेरिअन लोकांनी निबीरू ग्रहाचा शोध लावला असल्याचा दावा करण्यात आला. निबिरू ग्रह पृथ्वीकडे येत असल्याचा दावा करण्यात आला होता. याआधी मे २००३मध्ये ही जगाचा अंत होणार असल्याचा दावा करण्यात आला होता. त्यानंतर जगबुडीची तारीख २१ डिसेंबर २०१२ करण्यात आली.
करोना तर एक फक्त झलक!
जगबुडीचे दावे करणाऱ्या मंडळींनुसार, वर्ष २०२०मध्ये पृ्थ्वीवर कधी नव्हे ते संकट ओढावलं आहे. जंगलांमध्ये आग लागली आहे. करोनासारख्या महासाथीचा आजार पसरला आहे. अनेक देशांमध्ये टोळ कीटकांचा हल्ला झाला आहे. या घटना फक्त सुरुवात असून अद्यापही अनेक विनाशकारी घटना घडणार असल्याचा दावा केला आहे. तर, दुसरीकडे अमेरिकी अंतराळ संशोधन संस्था नासाने सांगितले की, जगाचा अंत होणार असल्याच्या दाव्याला कोणताही शास्त्रीय, वैज्ञानिक आधार नाही. अशा प्रकारचे दावे फक्त पुस्तके, चित्रपट आणि इंटरनेटवर करण्यात येतात.