मंत्री बनवलं म्हणून शहाणपना येत नसतो, फडणवीसांचा आदित्य ठाकरेंना चिमटा

मुंबई ः वेबटीम  Add caption  मंत्री बनवल्याने शहाणपणा येत नसतो. नया है वह; अशा शब्दांत देवेंद्र फडणवीस यांनी  पहिल्यांदाच आदित्य ठाकरे...

मुंबई ः वेबटीम 

Add caption

 मंत्री बनवल्याने शहाणपणा येत नसतो. नया है वह; अशा शब्दांत देवेंद्र फडणवीस यांनी  पहिल्यांदाच आदित्य ठाकरे यांच्यावर टीका केली आहे.
मुंबईतील करोना परिस्थितीवर भाष्य करताना देवेंद्र फडणवीस यांनी आदित्य ठाकरे यांनी केलेल्या टीकेचा समाचार घेतला. सध्या मुख्यमंत्र्यांना जे योग्य वाटतं त्यांना ते मंत्री बनवत आहेत. त्यामुळे मंत्री बनवल्याने शहाणपण येतेच असं नाही. ठिक आहे ते नवीन आहेत. बोलत आहेत. बोलू देत. माझ्या सारख्या माणसानं त्याच्यावर प्रतिक्रिया देऊ नये, नया है वह, असा टोला फडणवीस यांनी लगावला.
   

राजकारणात कधी काय होईल याचा भरवसा नसतो, पहा ना.., काल पेढे भरविणारा आदित्य आज मंत्री होतो व तत्कालिन मुख्यमंत्री आज विरोध पक्षनेता बनतो.
राष्ट्रवादीचे अध्यक्ष शरद पवार यांची सध्या शिवसेनेचं मुखपत्रं असलेल्या दैनिक 'सामना'त मुलाखत सुरू आहे. त्यावरही त्यांनी प्रतिक्रिया व्यक्त केली. डब्ल्यूडब्ल्यूएफची कुस्ती तुम्हाला माहिती आहे का? पूर्वी तशीच नुरा कुस्ती व्हायची. त्याला मॅच फिक्सिंग असं म्हटलं जायचं. आता तिच फिक्सिंग सुरू आहे. त्यांची मॅच फिक्सिंग संपू द्या. योग्यवेळी त्यावर मी प्रतिक्रिया देईलच, असं फडणवीस म्हणाले. विरोधक सरकार पाडणार असल्याच्या शिवसेनेच्या दाव्यात काहीच तथ्य नसल्याचंही ते म्हणाले. स्वत:च स्वत:ला मारून घ्यायचं आणि रडल्याचं नाटक करायचं, अशी सध्या नवी पद्धत आली आहे. आपलं अपयश झाकण्यासाठीच ही पद्धत अवलंबली जाते. सध्या शिवसेना या पद्धतीचा वापर करत आहे. कोणीही सरकार पाडणार नसताना स्वत:च कांगावा करायचा आणि मुलाखतीही देण्याचे प्रकार सुरू आहेत. करोनावरून लक्ष विचलीत करण्यासाठीच हा प्रकार सुरू असल्याचा आरोपही त्यांनी केला.

दरम्यान, आदित्य ठाकरे यांनी फडणवीसांवर जोरदार टीका केली होती. सध्या आमचा जोर फिट राहण्यावर आहे. राज्याला करोनामुक्त करण्यावर आहे. मात्र, विरोधी पक्षनेते ‘हेल्थ आणि डिझास्टर टुरिझजम’मध्ये व्यस्त आहेत, अशी बोचरी टीका आदित्य यांनी केली होती. त्यावर फडणवीस यांनी हा टोला लगावला.