गावात भरला हरिनाम सप्ताह, २३ जणांना कोरोनाची लागण

  जामखेड(अविनाश बोधले) सोनेगाव येथे अखंड हरिनाम सप्ताहाच्या जेवणावळीत कोरोना बाधीतानी वाढपीचे काम आणि सर्वत्र फिरला त्याच्या संपर्कात आलेल्य...

 जामखेड(अविनाश बोधले)

सोनेगाव येथे अखंड हरिनाम सप्ताहाच्या जेवणावळीत कोरोना बाधीतानी वाढपीचे काम आणि सर्वत्र फिरला त्याच्या संपर्कात आलेल्या १३९ च्या आसपास नागरिकांनी  रॅपिड अंटीजेन टेस्ट केली त्यामध्ये २३ जण बाधीत निघाल्यामुळे एकच खळबळ उडाली आहे. या सप्ताहात आसपासच्या गावातील नागरिकांनी हजेरी लावली त्यामुळे रूग्ण संख्या वाढण्याची शक्यता आहे. कोणतेच धार्मिक व सार्वजनिक कार्यक्रमावर बंधन असताना अयोजकांनी कोणाच्या परवानगीने सप्ताह अयोजीत केला असा प्रश्न निर्माण झाला आहे. 

 तालुक्यातील सोनेगाव येथे काही उत्साही कार्यकर्त्यांनी अखंड हरिनाम सप्ताहाचे आयोजन केले होते. या सप्ताहात काही संशयीत कोरोना बाधीतांनी सहभाग घेतला होता त्यातील चार जण तीन दिवसापूर्वी बाधीत निघाले होते त्यांच्या संपर्कात आलेल्या इतरांनी सप्ताहाच्या शेवटच्या दिवशी काल्याचे किर्तनाला उपस्थिती लावली होती. या किर्तनात सोनेगाव येथील नागरिकांनी मोठ्या प्रमाणावर उपस्थिती लावली होती तसेच आसपासच्या धनेगाव, वंजारवाडी, तरडगाव येथील नागरीक आले होते. संक्रमित कोरोना बाधीतानी महाप्रसादात वाढपीचे काम केले तसेच इतरत्र फिरले होते. एकीकडे मुख्यमंत्री उध्दव ठाकरे धार्मिक आणि सार्वजनिक कार्यक्रम घेऊ नका असे सांगतात पण नागरीक दखल घेत नाही. 

वाढपीचे काम करणारा हा कोरोना बाधीत निघाल्याने त्यांच्या संपर्कात आलेल्या १३९ च्या आसपास नागरिकांनी सोमवारी रॅपिड अँटिजेन टेस्ट केली त्यामध्ये २३ जण बाधीत आढळले. त्यामुळे मंगळवार रोजी मोठ्या प्रमाणावर अँटिजेन टेस्ट करण्यासाठी पुढे येतील त्यामुळे आकडा वाढू शकतो तसेच अनेक जण रॅपिड अँटिजेन टेस्ट मध्ये निगेटिव्ह येतात पण आर टी पि सी आर चाचणीत पॉझिटिव्ह येतात त्यामुळे सर्वांची आर टी पि सी आर चाचणी बंधनकारक करणे गरजेचे आहे परंतु नागरीक ते करीत नाहीत. प्रशासनाने यात लक्ष घालण्याची गरज आहे.

सोनेगाव येथे अखंड हरिनाम सप्ताह चालू होता या सात दिवसाच्या कालावधीत काही बाधीत फिरले चार दिवसापूर्वी चार जण निघाले सोमवारी १३९ टेस्टमध्ये २३ बाधीत आढळले. ज्या नागरिकांना सर्दी, खोकला, तापआणि धाप लागते अशा लोकांनी अँटिजेन टेस्ट करावी त्यामध्ये निगेटिव्ह आल्यास आर टी पि सी आर टेस्ट करावी पण लोक ते करीत नाही हा खूप मोठा धोका भविष्यात आहे.

डॉ. सुनील बोराडे – तालुका आरोग्य अधिकारी