जाणता राजा प्रतिष्ठानचा "समाजरत्न" पुरस्कार स्वच्छतादूत व वृक्षप्रेमी सुशांत घोडके यांना जाहीर...

  कोपरगाव/वेबटीम:- जाणता राजा प्रतिष्ठान,भानसहिवरा ता.नेवासा वतीने मातोश्री स्व.सौ.द्वारकाबाई मारुतराव मोहिटे पाटील स्मरणार्थ सूर्यतेज संस्थ...

 कोपरगाव/वेबटीम:-

जाणता राजा प्रतिष्ठान,भानसहिवरा ता.नेवासा वतीने मातोश्री स्व.सौ.द्वारकाबाई मारुतराव मोहिटे पाटील स्मरणार्थ सूर्यतेज संस्थापक व स्वच्छतादूत सुशांत घोडके यांना "समाजरत्न" पुरस्कार जाहीर झाला असल्याची घोषणा प्रतिष्ठानचे संस्थापक अध्यक्ष लक्ष्मणराव मोहिटे पाटील यांनी केली आहे.

जाणता राजा प्रतिष्ठानने अहमदनगर जिल्ह्यातील वेगवेगळ्या क्षेत्रात उल्लेखनीय व दिशादर्शक कामगिरी करणाऱ्या १५ व्यक्तींची प्रोत्साहन म्हणून निवड करण्यात आली आहे.

स्वच्छता,जलशक्ती, वृक्षारोपण,पर्यावरण क्षेत्रात उल्लेखनीय कामगिरी करणारे तसेच समाजातील शैक्षणिक,कला, नाट्य,आपत्ती व्यवस्थापन सह विविध क्षेत्रात २१ वर्षांपासून कार्यरत असलेले सुशांत घोडके हे नाव कोपरगाव तालुक्यासह जिल्हा,राज्य व देशपातळीवर अनेक ठिकाणी ओळखले जाते.स्वच्छता व वृक्षारोपण सारख्या उपक्रमात त्यांनी मांडलेल्या संकल्पना त्यांच्या कार्याची दखल राज्य व देशपातळीवर घेतली आहे.कचराकुंडी मुक्त ठिकाण सुशोभीकरण करणे, कचरा गाडीवर जनजागृती ध्वनीक्षेप बसविने,एक व्यक्ती एक झाड, सार्वजनिक उत्सव, यासह अनेक संकल्पना दखलपात्र झाल्या आहेत.त्यांनी ५१ हजारचे पुढे रोपांचे मोफत वितरण,रोपण आणि पालकत्व दिले आहे.त्यांना राज्य पातळीवर "रौप्य पदक","कला उपासक","वीरशैव भूषण","नाट्य मंदार","वृक्षप्रेमी" यासह विविध पुरस्काराने सन्मानित करण्यात आले आहे.

सूर्यतेज संस्थापक व स्वच्छतादूत सुशांत घोडके यांना "समाजरत्न" पुरस्कार जाहीर झाल्याबद्दल सर्वत्र अभिनंदन होत आहे.