शिर्डीतील द्वारकामाई वृद्धाश्रमात साई भजन संध्या उत्साहात

कोपरगाव शहर प्रतिनिधी : तालुक्यातील वारी येथील राहुल ( दादा ) मधुकरराव टेके पाटील चॅरिटेबल ट्रस्ट, नाद संगीत विद्यालय व द्वारकामाई वृद्धाश्र...

कोपरगाव शहर प्रतिनिधी :

तालुक्यातील वारी येथील राहुल ( दादा ) मधुकरराव टेके पाटील चॅरिटेबल ट्रस्ट, नाद संगीत विद्यालय व द्वारकामाई वृद्धाश्रम यांच्या संयुक्त विद्यमाने शिर्डी येथील वृद्धाश्रमातील वृद्धांसाठी रविवारी ( दि. १४ ) सायंकाळी ५ ते ७  या वेळेत साई भजन संध्या व वस्त्र भेट कार्यक्रम उत्साहात संपन्न झाला. कार्यक्रमाच्या अध्यक्षस्थानी गोदावरी दूध संघाचे अध्यक्ष राजेश परजणे पाटील होते. यावेळी आश्रमातील १५० वृद्धांसह कामगारांना वस्त्र वाटप करण्यात आले.

    या कार्यक्रमासाठी प्रमुख अतिथी म्हणून शिर्डी विभागाचे पोलीस उपअधीक्षक संजय सातव, कोपरगाव तालुका पोलीस ठाण्याचे पोलीस निरीक्षक दौलतराव जाधव, द्वारकामाई वृद्धाश्रमाचे कार्यकारी विश्वस्त बी. श्रीनिवास, शिर्डीचे माहिती अधिकारी कार्यालयाचे अधिकारी सुरेश पाटील, शिर्डी गॅझेटियर पुस्तकाचे लेखक तथा "लोकमत " चे पत्रकार प्रमोद आहेर, गोदावरी दूध संघाचे संचालक उत्तमराव माने, वृध्दाश्रमाचे मार्गदर्शक सचिन तांबे, वारी सेवा संस्थेचे माजी संचालक मधुकरराव टेके उपस्थित होते. कार्यक्रमाची सुरुवात मान्यवरांच्या हस्ते राहुलदादा टेके व विद्याताई कंक्राळे यांच्या प्रतिमा पूजनाने झाली.

    यावेळी पोलीस निरिक्षक दौलतराव जाधव म्हणाले, राहुल टेके यांना सामाजिक कार्याची मोठी आवड होती. परंतु कोरोनामुळे त्यांचे निधन झाले. त्यांच्या निधनानंतर त्यांचा वारसा पुढे सुरु ठेवण्यासाठी कुटुंबासह मित्रपरिवाराने त्यांच्याच नावाने ट्रस्ट सुरु करून त्यांचे कार्य सुरु ठेवले आहे. हे कार्य कौतुकास्पद आहे. यातून त्यांना आवड असलेले कार्य निरंतर सुरु राहून समाजातील अनेक घटकांना मदत होणार आहे. या प्रसंगी निरीक्षक जाधव यांनी आपल्या सुमधुर आवाजातून गायलेल्या भजनातून उपस्थित सर्वच अचंबित झाले होते. उपधीक्षक संजय सातव यांनी देखील आपले मनोगत व्यक्त केले.

   तसेच नाद संगीत विद्यालयाचे संचालक शंकरश्री महाराज गोंडे यांच्या मार्गदर्शनाखाली किरणजी महाराज जाधव, संतोषजी महाराज कोताडे, गायिका प्राजक्ता सोनवणे,वैष्णवी टेके, तबला वादक राघव पाटील, यश भड, अनिकेत नन्नावरे यांनी सादर केलेल्या साईभजनातून आश्रमातील सर्वच वृद्ध मंत्रमुग्ध झाले होते. ही भजन संध्या सर्व वृद्धांसाठी गेल्या दोन वर्षातील कोरोना प्रादुर्भाव नंतरची पर्वणीच ठरल्याने सर्वांच्या चेहऱ्यावर आनंद ओसंडून वाहत होता. भजन संध्येतील कलाकार विद्यार्थ्यांचे अकरावी व बारावीचे शिक्षण राहुल टेके यांच्या नावाने नामदेवरावजी परजणे पाटील महाविद्यालयात मोफत करण्यात येईल, असे राजेश परजणे पाटील यांनी यावेळी जाहीर केले.

     यावेळी महेश जाधव, विशाल आढाव, राजेंद्र कंक्राळे, रामराव पाटील, चंद्रकांत पाटील, तुषार जगताप, चेतन गवळी, श्रीकांत नरोडे, मछिंद्र वाघ, विजय आदमाने, आप्पासाहेब थोरमिसे, विलास गोंडे यांचेसह वृद्ध उपस्थित होते. कार्यक्रमाचे प्रास्तवीक रोहित टेके यांनी केले. सूत्रसंचालन प्रा. रवींद्र जाधव यांनी केले तर प्रा. गणेश सपकाळ यांनी आभार मानले.