साई आदर्श मल्टीस्टेटला बँको ब्ल्यू रिबन पुरस्कार जाहीर

राहुरी फॅक्टरी(वेबटीम):- नगर जिल्ह्यामध्ये  अग्रगण्य असणाऱ्या व राहुरी फॅक्टरी येथे मुख्यालय असलेल्या व अगदी थोडया  कालावधीमध्ये आपला नावलौक...

राहुरी फॅक्टरी(वेबटीम):-

नगर जिल्ह्यामध्ये  अग्रगण्य असणाऱ्या व राहुरी फॅक्टरी येथे मुख्यालय असलेल्या व अगदी थोडया  कालावधीमध्ये आपला नावलौकिक राज्यासह परराज्यात  पोहोचविणाऱ्या  साई आदर्श मल्टीस्टेट या पतसंस्थेस ‘बँको पतसंस्था पुरस्कार’ २०२१ जाहीर झाला आहे.

महारष्ट्रातील सहकार क्षेत्रात बळकटी आणणाऱ्या पतसंस्थांना त्यांच्या कार्यास प्रोत्साहन मिळावे.या हेतूने अविज पब्लिकेशन्स ,कोल्हापूर व गॅलेक्सी इनमा ,पुणे यांच्या संयुक्त विद्यमाने दरवर्षी बँको पुरस्काराचे आयोजन केले जाते .या वर्षीच्या बँको पतसंस्था पुरस्कार २०२१  साठी साई आदर्श मल्टीस्टेटने सादर केलेल्या माहितीच्या आधारे तज्ञ  निवड समितीने केलेल्या मुल्यांकनानुसार मल्टीस्टेट पतसंस्था विभागामध्ये बँको पतसंस्था  पुरस्कारासाठी साई आदर्श मल्टीस्टेटची निवड  करण्यात आलेली आहे . या  पुरस्काराचे वितरण  दि १५ मार्च रोजी हॉटेल लगुना रिसॉर्ट लोणावळा  येथे करण्यात येणार आहे. 

पुरस्कार मिळाल्यानंतर संस्थेचे संस्थापक अध्यक्ष शिवाजीराव कपाळे यांनी आपल्या भावना व्यक्त करताना सांगितले,हा पुरस्कार म्हणजे आम्ही केलेल्या चांगल्या कामाची पावती आहे.संस्थेच्या प्रगतीसाठी गेली ८ वर्षापासून आम्ही अविरतपणे झटत आहोत.यामध्ये संचालक मंडळ व कर्मचाऱ्यांचेही  मोठे सहकार्य लाभले आहे.सभासद ठेवीदार यांनी मोठा विश्वास आमच्यावर टाकला आहे.त्यास आम्ही कधीही तडा जाऊ देणार नाही यापुढे हि संस्था आणखी झपाटयाने प्रगती करेल असा विश्वास त्यांनी व्यक्त केला.