जिल्हा बँकेचे अध्यक्ष, उपाध्यक्ष यांची कोपरगाव पीपल्स बॅंकेस भेट-

कोपरगाव/वेबटीम: -  अहमदनगर जिल्हा मध्यवर्ती सहकारी बँकेचे अध्यक्ष तसेच महानगर बँकेचे अध्यक्ष उदय गुलाबराव शेळके यांनी कोपरगाव पीपल्स बँकेस स...

कोपरगाव/वेबटीम: - 

अहमदनगर जिल्हा मध्यवर्ती सहकारी बँकेचे अध्यक्ष तसेच महानगर बँकेचे अध्यक्ष उदय गुलाबराव शेळके यांनी कोपरगाव पीपल्स बँकेस सदिच्छा भेट दिली, यावेळी त्यांची बँकेचे संचालक मंडळ यांचे समवेत चर्चा व एकूणच बँकेचे आर्थिक स्थितीची माहिती घेतली असता कोपरगाव पीपल्स बँक ही अहमदनगर जिल्ह्यातील नावलौकिक प्राप्त संस्था असून या बँकेचे एकूण निधी, भांडवल पर्याप्तता तसेच एनपीए प्रमाण याबाबत समाधान व्यक्त केले. सदर बँकेचा असलेला सतत ऑडिट वर्ग अ व सभासदांना 15 टक्के लाभांश देणारी अहमदनगर जिल्ह्यातील एकमेव बँक ही पीपल्स बँक असल्याचे नमूद केले. त्यांनी सहकार क्षेत्रातील बँकांवर येत असलेल्या अडचणी तसेच यातून मार्गक्रमण करीत संस्था सुस्थितीत चालविणे रिझर्व्ह बँकेचे सर्व निकष सांभाळून नफा क्षमता टिकविणे कठीण असतानाही पीपल्स बँकेने त्यांचा चढा आलेख कायम राखला हे प्रशंसनीय आहे, असे उद्गार काढले. बँकेला नफा क्षमता टिकवावयाची असेल तर चांगले कर्जदार शोधून कर्ज वाटप करणे व एनपीए प्रमाण कमी राखणे आवश्यक आहे. यावेळी चर्चेदरम्यान पीपल्स बँकेचे अध्यक्ष सत्येन मुंदडा यांनी सध्या ग्राहकांकरिता डिजिटल बँकिंगच्या दृष्टीने बँक लवकरच आपल्या ग्राहकांना मोबाईल बँकिंग सुविधा सुरू करीत असल्याची माहिती दिली यावेळी जिल्हा बँकेचे उपाध्यक्ष एडवोकेट माधवराव कानवडे, संचालक गणपतराव सांगळे मुख्य कार्यकारी अधिकारी रावसाहेब वर्पे, संग्राम देशमुख,  पीपल्स बँकेचे अध्यक्ष सत्येन मुंदडा, उपाध्यक्ष प्रतिभा शिलेदार, संचालक कैलासचंद ठोळे, सुनील कंगले, रविंद्र लोहाडे,  कल्पेश शहा, सुनिल बंब, वसंतराव आव्हाड, यशवंत आबनावे, जनरल मॅनेजर दिपक एकबोटे उपस्थित होते.