शैलेश साबळेंनी उघडले जनसंपर्क कार्यालय

कोपरगाव / प्रतिनिधी येथील शैलेश केशवराव साबळे यांनी श्री साईबाबा संस्थानचे अध्यक्ष तथा आमदार आशुतोष काळे यांच्या नेतृत्वाखाली एक महिन्यापूर्...

कोपरगाव / प्रतिनिधी

येथील शैलेश केशवराव साबळे यांनी श्री साईबाबा संस्थानचे अध्यक्ष तथा आमदार आशुतोष काळे यांच्या नेतृत्वाखाली एक महिन्यापूर्वी राष्ट्रवादी काँग्रेस पक्षामध्ये प्रवेश केला. त्यानंतर लगेचच आगामी पालिका निवडणुकीच्या पार्श्वभूमीवर बिरोबा चौकामध्ये पहिले जनसंपर्क कार्यालय उभारून आहे. सध्या हा विषय राजकीय वर्तुळासह नागरिकांत चर्चेचा विषय ठरला आहे.

शैलेश साबळे यांनी कमळाची साथ सोडत नामदार आशुतोष काळे यांच्या नेतृत्वाखाली राष्ट्रवादीचे घड्याळ एक महिन्यापूर्वी हातात बांधले. त्यानंतर आगामी पालिका निवडणूक लक्षात घेता शहरातील बिरोबा चौक येथे जनसंपर्क कार्यालयाचे उद्घाटन नामदार काळे यांच्याच हस्ते केले. यावेळी नामदार काळे म्हणाले, जनसंपर्क कार्यालयाचा उपयोग हा  पक्षवाढीसाठी, जनतेची कामे करण्यासाठी करावा. याचा फायदा भविष्यात नक्कीच होईल.

यावेळी राष्ट्रवादी काँग्रेसचे अहमदनगर जिल्हा कार्याध्यक्ष संदीप वर्पे, राष्ट्रवादी कोपरगाव शहराध्यक्ष सुनील गंगुले, धरमशेठ बागरेचा, मंदार पहाडे, रमेश गवळी, बाळासाहेब रुईकर, वीरेन बोरावके, नवाज कुरेशी, सचिन गवारे, प्रदीप कुऱ्हाडे, मनोज नरोडे, तन्मय साबळे, तुषार म्हसे, विकी जोशी, राजेंद्र वाघचौरे,   हाजी महेमूद सय्यद, अरुण जोशी, डाॅ. अनिरुद्ध काळे, राजेंद्र आभाळे, सिध्दार्थ कपिले, चेतन आगळे, नितीन शेलार, सलमान शेख आदिंसह शहर सोमनाथ शिदे सदीप देवळीकर राष्ट्रवादी काँग्रेसचे पदाधिकारी मोठ्या संख्येने उपस्थित होते.