देवळाली प्रवरा/वेबटीम:- देवळाली प्रवरा नगरपरिषद निवडणुकीत प्रभाग क्रमांक ७ मध्ये ढुस कुटुंबाचा प्रभाव जाणवू लागला आहे. “ढुस कुटुंब आमच्यासाठ...
देवळाली प्रवरा/वेबटीम:-
देवळाली प्रवरा नगरपरिषद निवडणुकीत प्रभाग क्रमांक ७ मध्ये ढुस कुटुंबाचा प्रभाव जाणवू लागला आहे. “ढुस कुटुंब आमच्यासाठी उभं राहिलं, आता आम्ही त्यांच्यासाठी उभे राहणार!” अशा प्रतिक्रिया मतदारांमध्ये ऐकू येत असून त्यांच्या सामाजिक कार्याचा प्रभाव प्रचारात उमटत आहे.
प्रभागातील पाणीपुरवठा, वंचितांना मिळालेले हक्क आणि विविध सामाजिक प्रश्नांवर ढुस कुटुंबाने केलेल्या कामांच्या आधारावर मतदारांचा कल दिसत असल्याचे स्थानिकांचे म्हणणे आहे. प्रसिद्ध रील स्टार वैभव ढुस यांच्या डिजिटल मोहिमेमुळे तरुण मतदार मोठ्या संख्येने जोडले गेले आहेत.
दरम्यान, सामाजिक कार्यकर्ते आप्पासाहेब ढुस यांची सुनबाई व वैभव ढुस यांच्या पत्नी पल्लवी ढुस काँग्रेसकडून रिंगणात उतरल्या असून त्यांनी प्रसाद नगरात मतदारांशी संवाद साधला. या कार्यक्रमाला माता-भगिनींसह तरुण वर्गाची उत्स्फूर्त उपस्थिती पाहायला मिळाली.
कोणत्याही टिप्पण्‍या नाहीत