देवळाली प्रवरा नगरपरिषद निवडणूक काँग्रेस व समविचारी पक्षांचा उद्या सोमवारी प्रचार नारळ शुभारंभ

देवळाली प्रवरा/वेबटीम:- आगामी देवळाली प्रवरा नगरपरिषद सार्वत्रिक निवडणुकीच्या पार्श्वभूमीवर भारतीय राष्ट्रीय काँग्रेस, महाविकास आघाडी आणि मि...

देवळाली प्रवरा/वेबटीम:-

आगामी देवळाली प्रवरा नगरपरिषद सार्वत्रिक निवडणुकीच्या पार्श्वभूमीवर भारतीय राष्ट्रीय काँग्रेस, महाविकास आघाडी आणि मित्र पक्षांच्या वतीने प्रचाराचा शुभारंभ नारळ पूजनाने करण्यात येणार आहे. विविध पक्षांचे स्थानिक तसेच वरिष्ठ नेते यांच्या उपस्थितीत हा कार्यक्रम उत्साहात पार पडणार आहे.

प्रचार शुभारंभाच्या फलकावर आघाडीतील प्रमुख राष्ट्रीय आणि राज्य पातळीवरील नेत्यांचे छायाचित्र झळकत असून, स्थानिक नेतृत्वाने एकजुटीने निवडणुकीत उतरण्याचा निर्धार व्यक्त केला आहे. नागरिकांमध्ये विकास, पारदर्शकता आणि स्थिर नेतृत्वाचा संदेश देत या प्रचार मोहिमेला सुरुवात होणार आहे.

प्रचार शुभारंभाचा कार्यक्रम सोमवार, दि. २४ नोव्हेंबर २०२५ रोजी दुपारी ४.०० वाजता देवळाली प्रवरा येथील समर्थ बाबुराव पाटील मंदिर परिसरात पार पडनार आहे.

स्थानिक पातळीवर आघाडीचा उत्साही आणि शिस्तबद्ध प्रचार सुरू झाला असून, पुढील काही दिवसांत विविध उपक्रमाद्वारे मतदारांपर्यंत पोहोचण्याची तयारी पूर्ण केल्याचेही यावेळी सांगण्यात आले.