देवळाली प्रवरात श्री दत्त जयंती निमित्त गुरुचरित्र पारायण सोहळ्याला प्रारंभ

देवळाली प्रवरा (प्रतिनिधी)  भालेकर वस्ती येथील श्री दत्त मंदिरामध्ये सालाबादप्रमाणे याही वर्षी श्री दत्त जयंतीनिमित्त गुरुचरित्र पारायण सोहळ...

देवळाली प्रवरा (प्रतिनिधी) 

भालेकर वस्ती येथील श्री दत्त मंदिरामध्ये सालाबादप्रमाणे याही वर्षी श्री दत्त जयंतीनिमित्त गुरुचरित्र पारायण सोहळ्याचे भव्य आयोजन करण्यात आले आहे. हा धार्मिक सोहळा शुक्रवार, दिनांक 28 नोव्हेंबर 2025 पासून भक्तिमय वातावरणात सुरू झाला आहे.

हा पारायण सोहळा ब्रह्मलीन श्रीहरी महाराज भालेकर यांच्या कृपाशीर्वादाने तसेच ह. भ. प. बाळकृष्ण महाराज खांदे, ह. भ. प. भास्करराव महाराज तांबे आणि ह. भ. प. रोहिदास महाराज सांगळे यांच्या आध्यात्मिक मार्गदर्शनाखाली पार पडत आहे.

या पारायण सोहळ्याच्या निमित्ताने शुक्रवार, दिनांक 5 डिसेंबर 2025 रोजी ह. भ. प. भागवत महाराज उंब्रेकर यांचे काल्याचे कीर्तन आयोजित करण्यात आले आहे. कीर्तनानंतर सर्व भाविकांसाठी महाप्रसादाचेही आयोजन केले आहे.

या सोहळ्यात सहभागी होऊन अध्यात्मिक लाभ घ्यावा, तसेच गुरुचरित्र पारायणाची पुण्यसंधी साधावी, असे भाविक भक्तांना आयोजकांनी आवाहन केले आहे. गुरुचरित्र ग्रंथ या ठिकाणी उपलब्ध असून अधिक माहितीसाठी 8329372048 / 9665601301 या क्रमांकांवर संपर्क साधावा.