राहुरी नगरपरिषद निवडणूक : छाननी प्रक्रियेत २४ अर्ज बाद; १५८ उमेदवार रिंगणात

(राहुरी : श्रेयस लोळगे) राहुरी नगरपरिषद निवडणुकीसाठी दाखल झालेल्या अर्जांची आज (दि. १८ नोव्हेंबर २०२५) नगरपरिषद कार्यालयात छाननी करण्यात आली...

(राहुरी : श्रेयस लोळगे)

राहुरी नगरपरिषद निवडणुकीसाठी दाखल झालेल्या अर्जांची आज (दि. १८ नोव्हेंबर २०२५) नगरपरिषद कार्यालयात छाननी करण्यात आली. या छाननीत नगराध्यक्ष पदासाठी १ अर्ज तर नगरसेवक पदासाठीचे २३ अर्ज अपात्र ठरविण्यात आले.

नगरपरिषदच्या नगराध्यक्ष पदाच्या १ जागेसाठी १२ अर्ज दाखल झाले होते. त्यापैकी एक अर्ज बाद झाल्याने आता ११ उमेदवारांचे नाव अंतिम यादीत राहिले आहे.

तर नगरसेवक पदाच्या २४ जागांसाठी तब्बल १७० अर्ज दाखल झाले होते. त्यातील २३ अर्ज छाननीत बाद ठरल्यानंतर १४७ उमेदवार निवडणूक रिंगणात कायम राहिले आहेत.

राहुरी नगरपरिषदेमधील १२ प्रभागांसाठी २४ जागांवर आणि नगराध्यक्ष पदासाठी येत्या २ डिसेंबर रोजी मतदान होणार आहे. छाननीनंतर निवडणुकीची लढत अधिक चुरशीची होण्याची शक्यता व्यक्त केली जात आहे.