श्रीरामपुरातही तरुंगातील चार आरोपींना कोरोनाची लागण ; पोलिस प्रशासनात घबराट

श्रीरामपूर … तालुक्यात कोरोनाचा हाहाकार सुरूच असून काल कोरोनाने पोलिस कस्टडीत शिरकाव केला आहे. विविध गुन्ह्यात न्यायालयीन कोठडीत असलेल...

श्रीरामपूर …

तालुक्यात कोरोनाचा हाहाकार सुरूच असून काल कोरोनाने पोलिस कस्टडीत शिरकाव केला आहे. विविध गुन्ह्यात न्यायालयीन कोठडीत असलेले चार आरोपी काल बाधित झाल्याने पोलिस प्रशासनात एकच खळबळ उडाली. दरम्यान, बेलापूर येथेही काल एकाच कुटूंबातील 9 व्यक्ती कोरोनाबाधित सापडल्या आहेत.
श्रीरामपुरचे तहसीलदार प्रशांत पाटील यांनी दिलेल्या माहितीनुसार, श्रीरामपुरात काल दि. 28 जुलै पर्यंत एकूण 197 पॉझिटिव्ह रुग्ण आढळून आले आहेत. याशिवाय 846 स्वॅब घेतले असून त्यापैकी 533 जणांचे अहवाल हे कोरोना निगेटिव्ह आले आहेत. काल दिवसभरात तालुक्यात 10 जण कोरोनाचे रुग्ण सापडले आहेत. या दहा रुग्णांमध्ये न्यायालयीन कोठडीतील चार आरोपींचा समावेश आहे.
दरम्यान, संजयनगर परिसरात 2 रुग्ण बाधित असल्याचा अहवाल आला आहे. वार्ड नंबर एकमध्ये 1, वार्ड नंबर 2 मध्ये 1 , तर वार्ड नंबर 4 मध्ये 6 बाधित रुग्ण आढळून आले आहेत.
x
x