खर्डा किल्ल्याचे काम निकृष्ट दर्जाचे

  जामखेड(अविनाश बोधले)  खर्डा येथील किल्ल्याच्या दुरुस्ती साठी पावणेचार कोटी रुपयांचा निधी उपलब्ध होऊनही सदरचे काम निकृष्ट दर्जाचे व संथगतीन...

 जामखेड(अविनाश बोधले)

 खर्डा येथील किल्ल्याच्या दुरुस्ती साठी पावणेचार कोटी रुपयांचा निधी उपलब्ध होऊनही सदरचे काम निकृष्ट दर्जाचे व संथगतीने सुरू आहे. मात्र संबधित कंपनी व ठेकेदार लक्ष देत नाहीत. त्यामुळे चांगले काम झाले नाही तर लवकरच आंदोलन छेडण्याचा  इशारा शिवप्रतिष्ठान हिंदुस्थान चे जामखेड तालुका प्रमुख पांडुराजे भोसले यांनी आमदार रोहित पवार यांना दिलेल्या निवेदनात दिला आहे. 

खर्डा येथील शिवपट्टन किल्ला आसलेल्या या राज्यस्तरीय स्मारकाच्या गड किल्ले संवर्धन जतन व दुरुस्तीसाठी ३ कोटी ८० लाख असा निधी उपल्ब्ध झाला आहे. त्या निधीमार्फत तीन वर्षापासून किल्याचे दुरूस्तीचे काम चालु आहे. सदरील काम कधी चालु तर कधी बंद असल्यामुळे तेथे मनमानी कारभार चालु आहे.या बाबत शिवप्रतिष्ठान हिंदुस्थान चे जामखेड तालुका प्रमुख पांडुराजे भोसले यांनी आवाज उठवला आहे. हे काम मुंबई येथील एका कंट्रक्शन कंपनीला मिळाले असुन संबंधित ठेकेदाराकडे कोणत्याही प्रकारचे कुशल कारागीर नसुन पुरात्व खात्याने या कंपनीला ज्या अटी शर्त घालुन दिल्या आहेत त्याचे पालन केले जात नसुन संबधित शासकीय आधिकारी सदरील कामामध्ये जाणीव पुर्वक दुर्लक्ष व हलगर्जीपणा करीत आहेत. या बाबत शिवप्रतिष्ठान हिंदुस्थान चे धारकरी खर्डा किल्ल्यावरती वेळोवेळी गेले असता तेथील कामाचा दर्जा वापरले जाणारे साहित्य व काम करण्याची पध्दत अतिशय चुकीची व निकृष्ट पध्दतीने काम चालु आहे. चालु असलेल्या कामा संदर्भात आम्ही शिवप्रेमी किल्ल्यावर गेलो असतासंबधीत शासकीय आधिकारी कामावर अनुउपस्थीत असतात. तसेच भेटीसाठी टाळाटळ करतात. सन २००८ पासुन आम्ही शिवप्रेमीनीं वेळीवेळी किल्याच्या संवर्धनासाठी अनेक वेळा तक्रारी व आदोलने केली तरी देखील त्याकडे आज पर्यत दुरलक्ष केले गेले कामाचे बजेट वाढावे म्हणुन कामात जाणीवपुर्वक दिरगांई केली जात आहे व ठरलेल्या वेळेमध्ये काम पुर्ण केले जात नाही तरी किल्ल्याचे काम तातडीने चालू करावे अन्यथा आंदोलन करण्याचा इशारा शिवप्रतिष्ठान हिंदुस्थान चे जामखेड तालुका प्रमुख पांडुराजे भोसले यांनी आमदार रोहित पवार यांना दिलेल्या निवेदनात दिला आहे.

 सदर कामाचे बांधकाम साहित्ये प्रमाणपत्र योग्य आहे का याची खात्री करुन संबधित आधिकार्यावर कारवाई करण्यात यावी, सदर कामासाठी शासकीय शिबीर प्रमुखांची नेमनुक केलीली असुन सदर शिबीर प्रमुख कामावर येत नाहीत, सदरील काम वर्क आँडर ईस्टेमेट प्रमाणे झाले का?, कुशल कारागिरीमार्फत किल्ल्याचे काम उत्कृष्ट करावे?, व अत्तापर्यंन्त झालेल्या कामाच्या निधीचा व ईस्टेमेट चा फलक लावण्यात यावा. अशा विविध मागण्या निवेदनात केल्या आहेत.