गौतम बँकेच्या शिरपेचात आणखी एक मानाचा तुरा, सक्षम कर्ज वाटपात पटकाविला पुरस्कार

कोपरगाव प्रतिनिधी :-  अहमदनगर जिल्ह्यात सहकारी बँकिंग क्षेत्रात अग्रगण्य असणाऱ्या गौतम सहकारी बँकेने आपल्या कुशल कारभाराच्या जोरावर आजवर अने...

कोपरगाव प्रतिनिधी :- 

अहमदनगर जिल्ह्यात सहकारी बँकिंग क्षेत्रात अग्रगण्य असणाऱ्या गौतम सहकारी बँकेने आपल्या कुशल कारभाराच्या जोरावर आजवर अनेक पुरस्कार मिळविले असून या पुरस्कारात आणखी एका पुरस्काराची भर पडणार आहे. सक्षम कर्ज वाटपात नेत्रदीपक कामगिरी केल्यामुळे लघु नागरी सहकारी बँकेच्या गटात गौतम बँकेला " बँकिंग फ्राँटियर, मुंबई" या संस्थेचा राष्ट्रीय पुरस्कार मिळाला असल्याची माहिती बँकेचे प्रशासकीय अधिकारी बापूसाहेब घेमुड यांनी दिली आहे.

          सर्वसामान्य शेतकरी, कष्टकरी, व्यावसायिक व गरजूंना खाजगी सावकारीच्या कचाट्यातून सोडविण्यासाठी कर्मवीर शंकरराव काळे सहकारी साखर कारखाना व उद्योग समुहाचे संस्थापक मा.खा. कर्मवीर शंकरराव काळे यांनी १९७६ साली गौतम बँकेची स्थापना केली. बँकेच्या स्थापनेपासून त्यांनी बँकेच्या कारभारात काटकसरीचा पायंडा पाडून आर्थिक शिस्त लावली आहे. त्यांच्या आदर्श विचारांवर माजी आमदार अशोकराव काळे यांच्या मार्गदर्शनाखाली आ. आशुतोष काळे यांच्या नेतृत्वाखाली बँकेचे चेअरमन, व्हा. चेअरमन व संचालक मंडळ जबाबदारीपूर्वक काम करीत असून बँक नेत्रदीपक कामगिरी करीत आहे. बँकेला आजवर अनेक पुरस्कार मिळालेले असून ऑडीट वर्ग “अ” मिळालेला आहे. या सर्व गोष्टींची दखल घेवून १०० ते ५०० कोटी रुपयांच्या ठेवी असणाऱ्या गटातून सक्षम कर्ज वाटपाच्या चोख कामगिरीच्या बळावर बँकेला पुरस्कार मिळाला आहे. बँकेने मागील वर्षात आण्णासाहेब पाटील महामंडळामार्फत कार्यक्षेत्रातील १५० ते १७५ मराठा बेरोजगार युवकांना अंदाजे १५ कोटी रुपयांचे बिनव्याजी कर्जवाटप देखील केलेले आहे. या वर्षात बँकेला राष्ट्रीय पातळीवरील हा दुसरा पुरस्कार मिळाला आहे. त्याबद्दल मा. आ. अशोकराव काळे, साईबाबा संस्थानचे अध्यक्ष आ. आशुतोष काळे यांनी चेअरमन बाबासाहेब कोते, व्हा. चेअरमन धोंडीराम वक्ते व सर्व संचालक मंडळाचे अभिनंदन केले असून संचालक मंडळाने सर्व कर्मचाऱ्यांना १७ % बोनस देखील जाहीर केला असल्याची माहिती प्रशासकीय अधिकारी बापूसाहेब घेमुड यांनी दिली आहे.