जि़ओकॉन कंन्सल्टन्सी संस्थेच्या देवळाली प्रवरा येथील कार्याला यश

राहुरी(प्रतिनिधी) केंद्र सरकारच्या गृहनिर्माण व नगर विकास मंत्रालयाकडून स्वच्छ भारत अभियाना अंतर्गत घेण्यात आलेल्या स्वच्छ अमृत महोत्सव 2021...

राहुरी(प्रतिनिधी)

केंद्र सरकारच्या गृहनिर्माण व नगर विकास मंत्रालयाकडून स्वच्छ भारत अभियाना अंतर्गत घेण्यात आलेल्या स्वच्छ अमृत महोत्सव 2021 मध्ये सर्वेक्षण झालेल्या भारतातील सर्व शहरांमधून मानांकन मिळालेल्या शहरांचा पुरस्कार वितरण सोहळा 20 नोव्हेंबर रोजी विज्ञान भवन, दिल्ली येथे राष्ट्रपती रामनाथ कोविंद, केंद्रीय गृहनिर्माण व शहरी कार्य मंत्री हरदीप सिंग पुरी, राज्यमंत्री कौशल कुमार, छत्तीसगड राज्याचे मुख्यमंत्री भुपेश बघेल, सिक्कीम राज्याचे मुख्यमंत्री प्रेमसिंग तमंग, अंदमान निकोबारचे उपराज्यपाल केंद्रीय गृहनिर्माण व शहरी कार्य मंत्रालयाचे सचिव दुर्गाशंकर मिश्रा यांच्या हस्ते दिल्ली मध्ये वितरित करण्यात आला. 

 देवळाली शहरात जि़ओकॉन कंन्सल्टन्सी संस्थेच्यावतीने जनजागृती  व प्रशिक्षण काम केले होते. त्यांच्या या कार्याला यश आले आहे.

देवळाली प्रवरा शहरास देशभर राबविलेल्या स्वच्छ सर्वेक्षण 2021 मध्ये देशात बेस्ट सेल्फ-सस्टनेबल सिटी पुरस्कार, राज्यात दुसरी रँक, देशाच्या पश्चिम विभागात चौथी रँक व कचरा मुक्त शहरामध्ये थ्री स्टार सिटी मानांकन असे पुरस्कार मिळाले आहेत अशी माहिती नगराध्यक्ष सत्यजित कदम यांनी दिल्ली येथून भ्रमणध्वनी द्वारे दिली आहे.

स्वच्छ अमृत महोत्सव (सर्वेक्षण)-2021 मध्ये देशातील महानगर पालिका, छावणी परिषदा, नगरपरिषद व नगरपंचायती 4320 शहरांनी भाग घेतला होता. स्वच्छ राज्याचा पहिला क्रमांक छत्तीसगड राज्याला मिळाला तर दुसरा क्रमांक महाराष्ट्र राज्याला मिळाला. मोठ्या शहरांमध्ये त्यात सलग पाचव्यांदा इंदोर शहराने प्रथम क्रमांक मिळवला. दुसरा सुरत शहर तर तिसरा क्रमांक विजयवाडा या शहरांना मिळाला. एक लाखापेक्षा कमी लोकसंख्या असलेल्या शहरांच्या सर्वेक्षणात पहिले तिन्ही क्रमांक महाराष्ट्रातील शहरांनी पटकावले त्यात प्रथम विटा, द्वितीय लोणावळा तर तृतीय क्रमांक सासवड शहराने पटकावला, बाकी शहरांना स्वच्छतेमध्ये तारांकित शहरांचे मानांकनाचे पुरस्कार देऊन गौरविण्यात आले. त्यात देवळाली प्रवरा शहरास स्वच्छ अमृत महोत्सव (सर्वेक्षण )2021 मध्ये देवळाली प्रवरा शहरास देशातील 25 ते 50 हजार लोकसंख्येच्या सर्व शहरामध्ये बेस्ट सेल्फ सस्टनेबल सिटी या पुरस्काराने सन्मानित करण्यात आले व राज्यात स्वच्छ सर्वेक्षण 2021 मध्ये 2 रँक मिळाला तर देशाच्या पश्चिम विभागात 4 था रँक मिळाला आहे. कचरा मुक्त शहरामध्ये थ्री स्टार सिटी मानांकनाचा पुरस्कार मिळाला, स्वच्छ सर्वेक्षण 2021 बेस्ट सेल्फ-सस्टनेबल सिटी पुरस्कार व कचरा मुक्त शहर थ्री स्टार मानांकनाचा पुरस्कार हे दोन्ही पुरस्कार केंद्रीय गृहनिर्माण व शहरी कार्य मंत्रालयाचे सचिव दुर्गाशंकर मिश्रा व भारत मिशनच्या सहसचिव रूपा मिश्रा हस्ते वितरित करण्यात आला. यावेळी आपल्या शहराचे प्रतिनिधी म्हणून नगराध्यक्ष सत्यजित कदम, मुख्याधिकारी अजित निकत, माजी उपनगराध्यक्ष व विद्यमान नगरसेवक प्रकाश संसारे, आरोग्य सभापती सचिन ढुस, कार्यालयीन अधीक्षक बन्सी वाळके व संभाजी वाळके यावेळी उपस्थित होते.

देवळाली प्रवरा शहरास देशभर राबविलेल्या स्वच्छ सर्वेक्षण 2021 मध्ये देशात बेस्ट सेल्फ-सस्टनेबल सिटी पुरस्कार, राज्यात दुसरी रँक, देशाच्या पश्चिम विभागात चौथी रँक व कचरा मुक्त शहरामध्ये थ्री स्टार सिटी मानांकन असे पुरस्कार मिळाले आहेत. 

नगराध्यक्ष, उपनगराध्यक्ष, सभापती, नगरसेवक, मुख्याधिकारी, शहरवासीय  देवळाप्रवरा नगरपरिषद चे सर्व अधिकारी कर्मचारी, स्वच्छता कर्मचारी, जिओकॉन कंन्सल्टन्सीचे कर्मचारी, सर्व स्वच्छता ताई यांच्या सहकार्याने हे पुरस्कार मिळाला आहे

 जिओकॉन कन्सल्टन्सीला देवळाली प्रवरा नगर परीषद स्वच्छ सर्व्हेक्षण 2021  जनजागृती उपक्रमाचे काम करण्याची संधी दिली त्याबद्दल नगराध्यक्ष सत्यजीत कदम, मुख्याधिकारी अजित निकत यांचे अक्षय निकम सर, भुषण वडांगळे पाटील, करण सपकाळे, जिओकॉन कंन्सल्टन्सी, पुणे यांनी आभार मानले.

काय भूमिका बजावली जिओकॉन कन्स्टलसीने

जिओकॉन कन्सल्टन्सी संस्थेकडून देवळाली प्रवरा शहरात स्वच्छता ताई मार्फत शहरात घरोघरी फिरून स्टिकर लावणे, पोम्प्लेट वाटणे, कचरा वर्गीकरण याविषयी माहिती देणे, विविध कार्यक्रम घेणे तसे बचत गट यांना प्रशिक्षण देणे,  बचत गट मेळावा घेणे, रोज सकाळी घंटागाडी सोबत स्वच्छता ताईंनी फिरून नागरिकांना कचरा वर्गीकरण याविषयी माहिती देऊन नागरिकांमध्ये जनजागृती केली आहे.