कोपरगावकरांसाठी आ. आशुतोष काळेंची नवीन वर्षाची भेट

कोपरगाव प्रतिनिधी :-  कोपरगाव शहरातील नागरिकांच्या दृष्टीने अत्यंत महत्वाच्या असणाऱ्या साठवण तलाव क्रमांक ५ साठी १२३ कोटी रुपये खर्चाला प्रक...

कोपरगाव प्रतिनिधी :- 

कोपरगाव शहरातील नागरिकांच्या दृष्टीने अत्यंत महत्वाच्या असणाऱ्या साठवण तलाव क्रमांक ५ साठी १२३ कोटी रुपये खर्चाला प्रकल्प मान्यता समितीच्या बैठकीत प्रकल्प मान्यता समितीने  एकमताने मंजुरी दिली असल्याची माहिती श्री साईबाबा संस्थानच्या विश्वस्त मंडळाचे अध्यक्ष आ. आशुतोष काळे यांनी दिली आहे.

            २०१९ च्या विधानसभा निवडणुकीपूर्वी देखील ५ नंबर साठवण तलावाचे काम सुरु करावे याबाबत आग्रही असणाऱ्या आ. आशुतोष काळे यांनी २०१९ च्या विधानसभा निवडणुकीत कोपरगाव शहरातील जनतेला दिलेल्या आश्वासनांची पूर्तता करण्यासाठी निवडून येताच दोनच महिन्यात ५ नंबर साठवण तलावाचे प्राथमिक स्वरूपातील खोदाईचे काम सुरु करून दाखविले. कोपरगाव शहरातील नागरिकांचा पाणी प्रश्न कायमस्वरूपी मिटविण्यासाठी ५ नंबर साठवण तलाव मैलाचा दगड ठरणार  आहे. त्यामुळे पुढील कामासाठी तांत्रिक मंजुरी मिळावी यासाठी सातत्याने प्रयत्न करून ५ नंबर साठवण तलाव व वितरण व्यवस्थेसाठी १२३ कोटी  रुपयांच्या खर्चाला तांत्रिक मंजुरी देखील मिळविली होती. या मंजुरीला प्रशासकीय मंजुरी मिळवून निधी उपलब्ध व्हावा यासाठी आ. आशुतोष काळे सातत्याने पाठपुरावा करीत होते.

त्या पाठपुराव्याची नगरविकास विभागाने दखल घेवून नुकतीच त्याबाबत नगर विकास विभाग मंत्रालय मुंबई येथे प्रकल्प मान्यता समितीची  बैठक आयोजित केली होती. या बैठकीत पाच नंबर साठवण तलावाच्या १२३ कोटी रुपये निधीला प्रकल्प मान्यता समितीने  एकमताने मंजुरी दिली आहे. यावेळी आ.आशुतोष काळे स्वतः जातीने या बैठकीला उपस्थित होते. त्यांच्या समवेत नगरपरिषद प्रशासन संचालयानाचे संचालक गावडे, महाराष्ट्र जीवन प्राधिकरणचे कार्यकारी अभियंता नंदनवारे,नगरविकास विभागाचे प्रधान सचिव महेश पाठक, सहसचिव पांडुरंग जाधव, नगरपरिषदेचे प्रशासक तथा मुख्य कार्यकारी अधिकारी शांताराम गोसावी आदी उपस्थित होते.

:- पाच नंबर साठवण तलावाच्या कामाला प्रशासकीय मंजुरी मिळण्याचा मार्ग मोकळा झाला असून लवकरच प्रशासकीय मंजुरी मिळवून पाच नंबर साठवण तलावाचे काम सुरु होणार असल्यामुळे कोपरगाव शहरातील नागरिकांमध्ये समाधानाचे वातावरण पसरले आहे.२०१९ ची विधानसभा निवडणूक पार पडताच ६ जानेवारी २०२० ला  प्राथमिक स्वरूपातील खोदाईचे काम सुरु करून २०२० या वर्षाची झोकात सुरुवात केली. व २०२२ ला देखील प्रकल्प मान्यता समितीच्या बैठकीत पाच नंबर साठवण तलावाला एकमताने १२३ कोटी रुपयांची मंजुरी मिळवत कोपरगाव शहरवासियांना आ.आशुतोष काळे यांच्याकडून नवीन वर्षाची भेट ठरली आहे.