देवळाली प्रवरा सोसायटीच्या यशानंतर विकास मंडळाची आज आभार सभा

  देवळाली प्रवरा/वेबटीम:- देवळाली प्रवरा सोसायटी निवडणुकीत अभूतपूर्व यश संपादन करून १३ पैकी १३ जागा जिंकून विरोधकांना भुईसपाट  करणाऱ्या भाजप...

 देवळाली प्रवरा/वेबटीम:-

देवळाली प्रवरा सोसायटी निवडणुकीत अभूतपूर्व यश संपादन करून १३ पैकी १३ जागा जिंकून विरोधकांना भुईसपाट  करणाऱ्या भाजप तथा विकास मंडळाची आज गुरुवार २३ जून रोजी देवळाली प्रवरा येथील शांताबाई कदम मंगल कार्यालयात सायंकाळी ६ वाजता आभार सभा आयोजित करण्यात आली आहे.

माजी आमदार चंद्रशेखर कदम व माजी नगराध्यक्ष सत्यजित कदम यांच्या नेतृत्वाखाली विकास मंडळाने देवळालीप्रवरा विविध कार्यकारी सेवा सोसायटीत सर्वच्या सर्व १३ जागांवर विजय मिळविला. या यशानंतर सभासद व शहरवासिय यांच्या ऋण व्यक्त करण्यासाठी आज देवळाली प्रवरा येथे शांताबाई मंगल कार्यालयात आभार सभा आयोजित करण्यात आली आहे.

 सोसायटी निवडणूक प्रचारात सत्ताधारी व विरोधकांनी एकमेकांवर जोरदार टीकास्त्र सोडले. विकास मंडळाच्या माध्यमातून माजी आमदार चंद्रशेखर कदम  माजी नगराध्यक्ष सत्यजित कदम, माजी नगरसेवक सचिन ढुस, माजी चेअरमन बाळासाहेब मुसमाडे यांनी विरोधकांवर जोरदार टीका करून चांगला समाचार घेतला. लोकसेवा मंडळाच्या माध्यमातूनही माजी नगराध्यक्ष बाळासाहेब चव्हाण, अजित कदम, गणेश भांड सुरेंद्र थोरात यांनी कदम पिता-पुत्रांवर टीका करून परिवर्तन करण्याचे आवाहन केले. मात्र सभासदानी परिवर्तनास नकार देऊन सोसायटी निवडणुकीत 13 पैकी 13 जागा भाजपा तथा विकास मंडळाच्या निवडून दिल्या.

 आज होणाऱ्या आभार सभेत सत्ताधारी  विरोधकांवर काय टीका करणार ? विकासाचा काय नवा अजेंडा सभासद व नागरिकांसमोर उपस्थित जीवनात याकडे सर्वांचे लक्ष लागले आहे. या आभार सभेस सभासद, कार्यकर्ते व शहरवासियांनी उपस्थित रहावे असे आवाहन विकास मंडळाच्यावतीने करण्यात आले आहे.