राहुल जाधव यांनी स्वीकारला साई संस्थांनचा पदभार

राहुरी(वेबटीम) शिर्डी साई संस्थानच्या मुख्य कार्यकारी अधिकारी पदाचा प्रभारी पदभार राहुल जाधव यांनी स्वीकारला आहे. सीईओ भाग्यश्री बानायत यांच...

राहुरी(वेबटीम)

शिर्डी साई संस्थानच्या मुख्य कार्यकारी अधिकारी पदाचा प्रभारी पदभार राहुल जाधव यांनी स्वीकारला आहे. सीईओ भाग्यश्री बानायत यांची नागपुरला बदली झाली आहे. राज्य सरकारने उपमुख्य कार्यकारी अधिकारी राहुल जाधव यांच्याकडे प्रभारी कार्यभार देण्याचा आदेश दिला होता. 

साईभक्तांचे दर्शन व येथील वास्तव्य आनंददायी करणे आणि साईसंस्थान कर्मचाऱ्यांच्या वर्षानुवर्षे रखडलेल्या समस्या मार्गी लावण्यास आपले प्राधान्य असेल. मात्र, भाविकांशी गैरवर्तन करणाऱ्यांची गय केली जाणार नाही, असा इशारा साईसंस्थानचे प्रभारी सीईओ राहुल जाधव यांनी दिला. साईसंस्थानातील प्रत्येक भक्तनिवासात किती खोल्या रिकाम्या आहेत हे भक्तांना लवकरच ठिकाणी यासाठी डिस्प्ले लावण्यात येतील. असे जाधव यांनी सांगितले.

साई संस्थानचा कर्मचारी सेवा प्रवेश नियम  व आकृतिबंधाचा विषय त्यातील त्रुटी दूर करून तातडीने मार्गी लावण्यात येईल. यामुळे कालबद्ध पदोन्नती वेतनश्रेणीसह अनेक प्रश्न

सुटतील. 

५९८ कामगारांना एकत्रित मानधन देता येईल, यानंतर संस्थानात किमान एक हजार कर्मचाऱ्यांची पदभरती करता येईल. अकुशल कामगारांच्या परीक्षा घेऊन कुशल करणे, प्रत्येक विभागाची एसओपी तयार करणे, साईसंस्थानच्या रुग्णालयात डॉक्टर्स व पुरेसे मनुष्यबळ उपलब्ध करून देणे, डॉक्टरांना योग्य मोबदला व सन्मान देऊन चांगले डॉक्टर्स आणण्यासाठी प्रयत्न करू तसेच सेवेकरी पद्धत पुन्हा सुरू करण्यासाठी समितीसमोर विषय मांडू असे जाधव यांनी सांगितले.

सीईओचा पदभार स्वीकारल्यानंतर  माध्यमांसमोर राहूल जाधव यांनी आपल्या कामकाजाची भक्ताभिमुख व पारदर्शी असेल असे स्पष्ट केले. महूसल मंत्री राधाकृष्ण विखे-पाटील यांच्या माध्यमातून राज्य सरकारचे असलेले पाठबळ व साईसंस्थानच्या समितीचे अध्यक्ष, प्रधान जिल्हा न्यायाधीश सुधाकर यार्लगड्डा आणि जिल्हाधिकारी डॉ. भाविकांना राजेंद्र भोसले यांची असलेली अत्यंत सकारात्मक भूमिका यामुळे अनेक प्रश्न मार्गी लागतील, असा विश्वास व्यक्त करतानाच ग्रामस्थांना योग्य सन्मान देऊन त्यांच्याशी सुसंवाद राखला जाईल असे जाधव यांनी सांगितले

कर्मचाऱ्यांची क्षमता, पात्रता व गुणवत्ता गुणवत्ता अभ्यासून दर तीन वर्षांनी बदली करण्यात येईल. त्यासाठी लवकरच सॉफ्टवेअर विकसित करण्यात येईल. संस्थान रुग्णालयाचा कारभार गतिमान करण्यासाठी पाच कोटी रुपयांचे संगणक व सॉफ्टवेअर खरेदी करण्यात आले आहेत.  भाविकांना फसवणाऱ्या व विनापरवानगी आरती, दर्शन लाईव्ह जवळपास सव्वाशे वेबसाईट, यूट्यूब चॅनलवर पोलिसात एफआयआर दाखल करण्यात आले.दोन महिन्यात दर्शनरांग व पुढील शैक्षणिक संकुल इमारत सुरू होईल, अशी माहितीही जाधव यांनी दिली.