राहुरी फॅक्टरीचा सलून व्यावसायिक आप्पाच्या कुटुंबाची पोलिसांकडून चौकशी

राहुरी फॅक्टरी/वेबटीम:- खासगी सावकारकीच्या जाचास कंटाळून राहुरी फॅक्टरी येथील सलून व्यावसायिक आप्पा विठ्ठल थोरात हा गेल्या चार दिवसांपासून ब...

राहुरी फॅक्टरी/वेबटीम:-

खासगी सावकारकीच्या जाचास कंटाळून राहुरी फॅक्टरी येथील सलून व्यावसायिक आप्पा विठ्ठल थोरात हा गेल्या चार दिवसांपासून बेपत्ता असल्याने त्याचे कुटुंब चिंतेत असल्याने पोलीस प्रशासनाने याबाबत गांभीर्याने दखल घेत थोरात कुटुंबियांची भेट घेऊन योग्य ती चौकशी सुरू केली असून या चौकशी अंती राहुरी फॅक्टरी व परिसरातील ६ सावकारांची नावे उजेडात आली असून आप्पाला त्रास देणाऱ्या 'त्या' ६ खासगी सावकारांची पोलीस आता कसून चौकशी करणार असल्याची शक्यता व्यक्त होत असून त्यांचे चांगलेच धाबे दणाणले आहे.

सावकारकीच्या त्रासाला कंटाळून राहत्या घरात आत्महत्येचा प्रयत्न असफल झाल्यानंतर आप्पा थोरात हा सलून व्यावसायिक राहत्या घरातून बेपत्ता झाला आहे. चार दिवस उलटले तरी तो मिळून न आल्याने कुटुंबीय व नातेवाईक चिंताग्रस्त आहे. 

राहुरी पोलीस ठाण्यात दाखल मिसिंग बाबत तक्रारी नुसार पोलीस निरीक्षक मेघशाम डांगे व पोलीस प्रशासनाने सोशल मीडिया व इतर यंत्रणेत आप्पा थोरात यांचे छायाचित्र व वर्णनाची माहिती प्रसिद्ध करून सदर व्यक्ती मिळून आल्यास पोलीस ठाण्याशी संपर्क करण्याचे आवाहन केले आहे.

दरम्यान अंबिकानगर येथील रहिवासी असलेल्या बेपत्ता आप्पा थोरात याच्या कुटुंबियांची मंगळवारी सायंकाळी पोलीस उपनिरीक्षक नीरज बोकील व पोलीस हेडकॉन्स्टेबल दिनकर गर्जे यांनी भेट घेऊन आधिक ती चौकशी केली. या चौकशी अंती कुटुंबियांकडून राहुरी फॅक्टरी परिसरातील ६ सावकारांचे नावे उजेडात आले आहे.या सावकारांबाबतची सर्व माहिती थोरात कुटुंबियांनी पोलिसांना दिली असून यांच्यावर कठोर कारवाई करून आमचा 'आप्पा' आम्हाला मिळून द्या आणि आम्हाला योग्य तो न्याय द्यावा अशी मागणी केली आहे.

दरम्यान पोलीस निरीक्षक मेघशाम डांगे,पोलीस उपनिरीक्षक नीरज बोकील व पोलीस हेडकॉन्स्टेबल दिनकर गर्जे यांनी या प्रकरणाची गांभीर्याने दखल घेत योग्य ती कारवाई करण्याचे सूतोवाच दिले असल्याने थोरात कुटुंबीयांना काही प्रमाणात दिलासा मिळाला आहे.दुसरीकडे आता आपल्या भोवती चौकशीचा ससेमिरा लागणार या चिंतेने 'त्या' सहा खासगी सावकारांची पाया खालची वाळू सरकली असून वेगवेगळे पर्याय वापरून ते स्वतःला वाचवण्यासाठी प्रयत्न करत आहे.

ताई,मावशी काय असेल ते मिटून घेऊ पण आमच नाव काय घेऊ नका 

आप्पा थोरात बेपत्ता झाल्यानंतर वारंवार तगादा करणाऱ्या सावकारांची नावे आता चर्चेत आली असून तर सहा सावकारांची नावे पोलिसांच्या रडारवर असतानाच अजूनही अनेक सावकार आप्पा थोरात प्रकरणात गोवले जाणार असल्याने ते लपून छपून थोरात कुटुंबियांची भेट घेत आहे. काय असेल ते मिटून घेऊ आम्हाला रुपया देऊ नका अशी विनवणी करत असल्याचे प्रत्यक्षदर्शींनी सांगितले.