शाळकरी मुलीस पळवून नेणारा देवळाली प्रवरातील स्कुल बसचालक श्रीरामपूर शहर पोलिसांकडून जेरबंद

  श्रीरामपूर(वेबटीम) बेलापूर परिसरातील रहिवासी व देवळाली प्रवरा येथील एका इंग्लिश मिडीयम स्कुलमध्ये शिक्षण घेत असलेल्या अल्पवयीन मुलीचे अपहर...

 श्रीरामपूर(वेबटीम)

बेलापूर परिसरातील रहिवासी व देवळाली प्रवरा येथील एका इंग्लिश मिडीयम स्कुलमध्ये शिक्षण घेत असलेल्या अल्पवयीन मुलीचे अपहरण करणाऱ्या देवळाली प्रवरा येथील स्कुल बस चालकाला श्रीरामपूर  शहर पोलिसांनी अटक केली आहे.

 अल्पवयीन मुलीस कशाचेतरी आमिष दाखवून फिर्यादीचे संमतीशिवाय पळवुन घेवुन गेला म्हणुन फिर्यादीचे तक्रारीवरुन श्रीरामपूर शहर पोलीस स्टेशने येथे गुरनं. 552/2023 भादंवि कलम 363 प्रमाणे गुन्हा दाखल करण्यात आला होता.

सदर गंभीर स्वरुपाचा गुन्हा दाखल होताच पोलीस निरीक्षक  हर्षवर्धन गवळी यांनी सदर आरोपीचा घेणे कामी तपास पथकास आदेश दिले. त्यानुसार तपास पथकाने तात्काळ व अल्पवयीन मुलीचा शोध चालु केला, मोबाईल ट्रॅकीग, सी.डी.आर. एस.डी.आर. रिपोर्ट फेसबुक, व्हॉट्सअप, इंस्टाग्राम अशा सोशल मीडिया अकाउंट च्या माध्यमातुन शोध चालु केला. पोलीस आपल्या मागावर आहेत यांची भनक आरोपीस लागल्याने सदर अल्पवयीन मुलीस राहुरी फॅक्टरी येथे सोडुन निघुन गेला होता. 

सदर अल्पवयीन मुलीस विश्वासात घेवुन विचारपुस केली असता तिच्या शाळेचा बस चालक आरोपी नामे विजय गोविंद गोडसे, रा. देवळाली ता. राहुरी जि. अहमदनगर यांने माझे तुझ्यावर खुप प्रेम आहे, तुझे आई वडील तुला नेहमी त्रास देतात, ते मला पाहवत नाही, आपण लांब कुठेतरी निघुन जावु, असे बोलून मला माझे राहते घरुन घेवुन गेला व मी अल्पवयीन असल्याचे माहित असताना सुध्दा त्याने माझ्यावर लैगिक अत्याचार केला असा जबाब मुलीने दिल्याने सदर दाखल गुन्हयात भांदवि कलम 366, 366 (अ), 376 पोक्सो कलम 45(फ), 6,11,12 प्रमाणे वाढ करुन आरोपीचा शोधाकरीता दोन वेगवेगळया टिम करुन शोध सुरू केला. 

दिनांक १६ जुन रोजी  पोलीस निरीक्षक हर्षवर्धन गवळी यांना सदर गुन्हयातील आरोपी विजय गोडसे  हा राहुरी फॅक्टरी परीसरात येणार असल्याची गुप्तबातमीदारामार्फत माहिती मिळाल्याने पोनि. गवळी यांचे आदेशाने सदर परिसरात तपास पथकाने सापळा रचुन शिताफीने सदर आरोपीस ताब्यात घेवून अटक करण्यात आली आहे.

सदरची कारवाई पोलीस अधीक्षक, राकेश ओला , अपर पोलीस अधीक्षक श्रीरामपूर, स्वाती भोर,  उपविभागीय पोलीस अधिकारी,  संदिप मिटके यांचे मार्गदर्शनाखाली पोलीस निरीक्षक,  यांचेकडील तपास पथकातील सपोनि जिवन बोरसे, स.फौ. सुधिर हापसे, पोना/ रघुवीर कारखेले, पोकों/ गौतम लगड, पोकों / राहुल नरवडे, पोकों/ रमिझराजा अत्तार, पोकॉ/ गणेश गावडे, पोकों/ मच्छिंद्र कातखडे, पोकों/ संभाजी खरात, पोकों/भारत तमनर तसेच अपर पोलीस अधीक्षक कार्यालयाकडील पोना. सचिन धनाड, पोकों / प्रमोद जाधव व पोकॉ. आकाश भैरट यांनी केली असुन सदर गुन्हयाचा अधिक तपास हा पोलीस निरीक्षक हर्षवर्धन गवळी यांचे मार्गदर्शनाखाली सपोनि जिवन बोरसे हे करीत आहेत