देवळाली प्रवरातील तरुणासह भानसहिवरे येथील एकाचा अपघातात मृत्यू

  राहुरी(वेबटीम) राहुरी तालुक्यातील मुळा डॅम फाटा येथे दुचाकी व पिकअपच्या अपघातात दोघे जण ठार झाल्याची घटना घडली. या अपघातात  दुचाकीवरील देव...

 राहुरी(वेबटीम)

राहुरी तालुक्यातील मुळा डॅम फाटा येथे दुचाकी व पिकअपच्या अपघातात दोघे जण ठार झाल्याची घटना घडली. या अपघातात  दुचाकीवरील देवळाली प्रवरातील साहिल सत्तार शेख(वय-२३) तर सौरभ शरद काळे(रा.भानसहिवरे, ता.नेवासा, वय-२४) हे दोघे ठार झाल्याची घटना घडली.

साहिल शेख, सौरभ काळे व त्यांचा अन्य एक मित्र हे दुचाकीवर नगरवरून राहुरीकडे येत असताना मुळा डॅम फाट्याजवळ अज्ञात वाहन व दुचाकी यांच्यात अपघात झाला.

या अपघातात देवळाली प्रवरातील साहिल शेख व भानसहिवरे येथील सौरभ काळे ठार झाले आहेत. तर कोल्हार येथील युवक गंभीर जखमी झाला असून त्याच्यावर उपचार सुरू आहेत.

घटनास्थळी स्थानिक नागरिक व देवळाली प्रवरातील रुग्णवाहिका चालक रवी देवगिरे यांनी मदतकार्य केले.मयत साहिल शेख हा कॉम्रेड मदिना शेख यांचा पुतण्या तर आयशा शेख यांचा मुलगा आहे. या घटनेने सर्वत्र हळहळ व्यक्त होत आहे.