सात्रळ माळेवाडी दरोड्यातील तीन सराईत गुन्हेगार जेरबंद

  राहुरी(वेबटीम)  राहुरी तालुक्यातील सात्रळ माळेवाडी येथे तीन दिवसापूर्वी पडलेल्या दरोड्यातील आरोपींना मुद्देमालासह पकडण्यात पोलिसांना यश आल...

 राहुरी(वेबटीम)

 राहुरी तालुक्यातील सात्रळ माळेवाडी येथे तीन दिवसापूर्वी पडलेल्या दरोड्यातील आरोपींना मुद्देमालासह पकडण्यात पोलिसांना यश आले आहे. स्थानिक गुन्हे अन्वेषण शाखा (LCB) अहमदनगर व राहुरी पोलिसांनी संयुक्त कारवाई करून आरोपी पकडण्यात पोलिसांना यश मिळविले आहे. यातील आरोपी आष्टी, जिल्हा बीड येथील आहेत तसेच या प्रकरणात पाथर्डी येथील एका सुवर्ण व्यावसायिकालाही पोलिसांनी आरोपी केले असून तो फरार आहे.

 सात्रळ माळवाडी येथेंबदरोड्याच्या गुन्हा घडल्यानंतर गुन्ह्याचा प्राथमिक तपास उपविभागीय पोलीस अधिकारी डॉ. बसवराज शिवपुजे, पोलीस निरीक्षक धनंज  जाधव यांच्या मार्गदर्शनाखाली सहाय्यक पोलीस निरीक्षक राजू लोखंडे, सहाय्यक पोलीस निरीक्षक कौशल वाघ, पो . हवा, जयभाय, पो. ना. कोकाटे, दिपक फुंदे, यांनी सुरू केला होता. 

सदर गुन्ह्याच्या प्राथमिक तपासात गुन्ह्याच्या ठिकाणी आरोपींचे ठसे मिळाले होते ते ठसे चलाखीने, हुशारीने सुरक्षित करण्याची कामगिरी श्री. लोखंडे व त्यांच्या पथकाने केली होती. अंगुली मुद्रा शाखेकडील प्रशिक्षित तज्ञ पोलीस अंमलदार यांनी सदरचे ठसे डेव्हलप करून आरोपी निष्पन्न केले होते. निष्पन्न केलेल्या आरोपींना आष्टी, बीड येथून शिताफीने अटक करण्याची कामगिरी स्थानिक गुन्हे अन्वेषण शाखेचे पोलीस निरीक्षक दिनेश आहेर व त्यांच्या पथकाने चोख बजावली.

 यामध्ये राम बाजीराव चव्हाण, वय- २२ वर्षे, रा. आष्टी, ता. आष्टी, जि. बिड,  तुषार हबाजी भोसले, वय- १९ वर्षे, रा. पिंपरखेड, ता. आष्टी, जि. बिड,  रियाज बशीर शेख, वय- ४९ वर्षे, रा- आष्टी, ता. आष्टी, जि. बिड या तिघा आरोपिंना अटक केली आहे.

अटक केलेले आणि निष्पन्न झालेले आरोपी हे सराईत गुन्हेगार असून त्यांच्यावरती भविष्यात कठोर कारवाई केली जाणार असल्याचे सुतोवाच पोलीस निरीक्षक धनंजय अ. जाधव यांनी केले आहे.