देवळाली प्रवरा(वेबटीम) देवळाली प्रवरा व राहुरी सायकलिंग ग्रुपचे एकूण 25 सदस्य शनिवार दिनांक 6 जुलै 2024 रोजी देवळाली प्रवरा ते पंढरपूर सा...
देवळाली प्रवरा(वेबटीम)
देवळाली प्रवरा व राहुरी सायकलिंग ग्रुपचे एकूण 25 सदस्य शनिवार दिनांक 6 जुलै 2024 रोजी देवळाली प्रवरा ते पंढरपूर सायकलवारी साठी निघाले असता, देवळाली प्रवरा नगर परिषदेचे मुख्याधिकारी विकास नवाळे यांच्या संकल्पनेतून व देवळाली प्रवरा नगरपरिषदेच्या वृक्ष विभागाच्या माध्यमातून देवळाली प्रवरा नगर परिषदेने एक हजार सीड्स बॉल उपलब्ध करून दिले.
देवळाली प्रवरा नगर परिषदेचे प्रशासक तथा प्रांत साहेब किरण सावंत पाटील व मुख्याधिकारी विकास नवाळे यांनी 1000 सीड्स बॉल देवळाली प्रवरा सायकलिंग ग्रुप कडे सुपूर्त केले. सायकलिंग ग्रुप, सदरचे 1000 सीड्स बॉल घेऊन पहाटे तीन वाजता पंढरपूर कडे सायकलिंग करत पंढरपूर वारीसाठी निघाले व पहाटे चार वाजता राहुरी सायकलिंग ग्रुपचे सदस्य ही सायकलवारीत सामील झाले व नगर येथे पावसाने आमच्या सायकल वारीचे स्वागत केले व आम्ही सर्व पावसाने ओले चिंब होऊन पंढरपूरच्या दिशेने प्रयान चालू केले अ.नगर ते करमाळा नवीनच रोडचे काम झाले असून दुतर्फी झाडे लावण्यासाठी भरपूर जागा उपलब्ध होती .
सायकलिंग ग्रुपने *!!सायकल चालवा!! पर्यावरण वाचवा!! व !!निसर्गाचा समतोल राखा!!* हा संदेश घेऊन पंढरपूर वारीसाठी निघालेल्या सायकलिंग ग्रुपने सीड्स बॉलच्या माध्यमातून वृक्षरोपण सुरू केले, आमचे वृक्षरोपण चालू असताना नाशिक सायकलिंग ग्रुपच्या नलिनी कड मॅडम व व त्यांच्या सर्व सायकलिंगच्या सदस्या यांचे ही सीड्स बॉलच्या माध्यमातून वृक्षरोपण करण्यास सहकार्य लाभले. आम्ही सीड्स बॉलच्या माध्यमातून वृक्षरोपण करत असताना त्यांना प्रश्न पडला की आम्ही काय करत आहोत. आम्हीही त्यांना सीड्स बॉल उपलब्ध करून देऊन त्यांच्या हस्ते रस्त्याच्या दुतर्फी सीड्स बॉल च्या माध्यमातून वृक्षरोपण करण्यात आले व देवळाली प्रवरा सायकलिंग ग्रुपच्या माध्यमातून एक नाविन्यपूर्ण उपक्रम राबविल्याबद्दल त्यांनी देवळाली प्रवरा सायकलिंग ग्रुप चे अभिनंदन केले. व आम्हाला शुभेच्छा दिल्या. सदरचे सीड्स बॉल रस्त्याने दुतर्फी वृक्षरोपण करण्यासाठी देवळाली प्रवरा नगर परिषदेचे माजी नगराध्यक्ष श्री सत्यजित कदम , श्री सचिन ढुस तसेच देवळाली प्रवरा नगर परिषदेचे मुख्याधिकारी श्री विकास नवाळे साहेब प्रशासक तथा प्रांत अधिकारी श्री किरण सावंत पाटील तसेच देवळाली प्रवरा नगर परिषदेचे सर्व अधिकारी व कर्मचारी यांचे मार्गदर्शन लाभले.
रस्त्याने सायकलवारी चालू असताना रोडने एका मागोमाग एक असे वारकरी पायी पंढरपूर कडे जातांना भेटत होते. कुठे पाऊस तर कुठे उलटे वारे तर कुठे ट्राफिक जाम या सर्वावर मात करून रात्री दहा वाजता 250.60 किलोमीटरचे अंतर एका दिवसात सायकलवर पूर्ण करून पांडुरंगा चे दर्शन घेतले.
या सायकलवारीसाठी देवळाली प्रवरा व राहुरी येथून श्री संभाजी वाळके, श्री गोरख मेहेत्रे, श्री राहुल दुधाडे, श्री राजेंद्र चव्हाण, श्री प्रवीण डावकर, श्री सुदाम कडू, श्री अशोक जाधव, श्री निलेश लासुरकर, श्री अनिल ढुस, श्री नितीन शहाणे, श्री अरुण ताकटे, आरिफ इनामदार, श्री बाळासाहेब राऊत, श्री कडूबा इंगळे,श्री बाबासाहेब नागरगोजे श्री रमेश नालकर,श्री वसंत पागिरे,व इतर सायकलिस्ट यांनी सहभाग घेतला.
कोणत्याही टिप्पण्या नाहीत