राहुरी फॅक्टरी(वेबटीम) सोलापूर जिल्ह्यातील टेंभुर्णी येथे पार पडलेल्या राज्यस्तरीय शूटिंग बॉल स्पर्धेमध्ये राहुरी फॅक्टरी येथ...
राहुरी फॅक्टरी(वेबटीम)
सोलापूर जिल्ह्यातील टेंभुर्णी येथे पार पडलेल्या राज्यस्तरीय शूटिंग बॉल स्पर्धेमध्ये राहुरी फॅक्टरी येथील श्री छत्रपती शिवाजी हायस्कूल व ज्युनियर कॉलेजमधील इयत्ता दहावीची विद्यार्थिनी कुमारी श्वेताली दत्तात्रय गोपाळे हिने उपविजेते पद पटकावले व तिची गाझियाबाद उत्तर प्रदेश या ठिकाणी दिनांक ७ ते ९ नोव्हेंबर २०२५ दरम्यान होणाऱ्या राष्ट्रीय शूटिंग बॉल स्पर्धेसाठी महाराष्ट्राच्या संघात निवड झाली.
श्वेतालीच्या यशाबद्दल डॉ. बाबुराव बापूजी तनपुरे सहकारी साखर कारखान्याचे चेअरमन तथा शिवाजी शिक्षण प्रसारक मंडळाचे अध्यक्ष अरुण तनपुरे, मंडळाचे उपाध्यक्ष ज्ञानेश्वर कोळसे, सेक्रेटरी हर्ष तनपुरे, ज्येष्ठ संचालक अरुण ढुस, कृष्णा मुसमाडे, भारत वारुळे, विद्यालयाचे प्राचार्य श्री बी. एल. शिरसाट , पर्यवेक्षक श्री बी. टी. तेलोरे तसेच सर्व शिक्षक व शिक्षकेतर कर्मचारी वृंद यांनी अभिनंदन केले तसेच राष्ट्रीय स्पर्धेसाठी शुभेच्छा दिल्या. श्वेतालीच्या यशाबद्दल सर्वच स्तरातून तिचे कौतुक होत आहे.
स्पर्धेसाठी श्वेताली हिस विद्यालयाचे क्रीडा शिक्षक अभयसिंह पाटील , राजेंद्र पुजारी व प्रा. गणेश भांड यांचे मार्गदर्शन लाभले.
कोणत्याही टिप्पण्या नाहीत