नेवासा(वेबटीम) नेवासा तालुक्यातील चांदा गाव शिवारात कंदुरी जेवणाच्या कार्यक्रमादरम्यान झालेल्या वादातून एका तरुणाची अग्निशस्त्रातून गोळी झाड...
नेवासा(वेबटीम)
नेवासा तालुक्यातील चांदा गाव शिवारात कंदुरी जेवणाच्या कार्यक्रमादरम्यान झालेल्या वादातून एका तरुणाची अग्निशस्त्रातून गोळी झाडून हत्या करण्यात आल्याची खळबळजनक घटना आज रविवार दि. ११ जानेवारी २०२५ रोजी सायंकाळी घडली.
चांदा येथील आरोपी सुरज लतीफ शेख (वय २३) यांच्या शेतात कंदुरीचा कार्यक्रम सुरू होता. यावेळी मयत शाहिद राज महंमद शेख (वय २३, रा. चांदा, ता. नेवासा) हा कार्यक्रमस्थळी गेला होता. सायंकाळी सुमारे ४.४५ ते ५.०० वाजण्याच्या सुमारास शाहिद शेख, सुरज लतीफ शेख व अक्षय जाधव यांच्यात वाद झाला. वादाचे रूपांतर गंभीर बनत आरोपींनी अग्निशस्त्रातून फायर करत शाहिद शेख याची निर्घृण हत्या केल्याचे समजते.
घटनेनंतर मृतदेह पोस्टमार्टमसाठी सिव्हिल हॉस्पिटल, अहिल्यानगर येथे पाठवण्यात आला आहे. या प्रकरणी आरोपींचा शोध घेण्यासाठी पोलीस पथके रवाना करण्यात आली असून एफआयआर दाखल करण्याची प्रक्रिया सुरू आहे. पुढील तपास पोलीस करीत आहेत.
या घटनेमुळे परिसरात भीतीचे वातावरण पसरले असून पोलिसांकडून घटनास्थळी बंदोबस्त वाढवण्यात आला आहे.
कोणत्याही टिप्पण्या नाहीत